هسيبك لاني بحبك!!!!!! ‏

يا اقرب الناس ليا
هسيبك بس والله علي عنيا
قربك ليا كنت بتمناه
وفي لحظة بقيت حبيب قلبك ووياه
وكان كلامنا عمره ما كان كلام
كنا بنحقق لبعضنا الاحلام

كان حضنك ليا الامان
وصوتك ليا الحنان
يا اقرب ليا من اي انسان
شوفت معاك اجمل ايام
كانت ليا الهنا
علمتني ابطل كلمة انا
كانت الاحلام بينا بتتلون
والانغام بينا بتتكون

واتعلمت اكتر كمان
اني عمري ما انهار قدام اي انسان
مهما كان السبب ومهما كان جرح الزمان
انا اللي خسران لما هبعد عن حياتك
بس هضحي بحبي عشانك

همشي واسيبك هنا
يمكن في بعدي تلاقي الهنا
في قلوب كتير
في حبك بتفكر كتير
نقي واختار
بس انا همشي لان عمر ما كان الحب اختيار
دا قدر ومكتوب
بطلب منك تقسي علي قلبي
واتعلم وعيش بالنسيان وانا وياك كمان
مش هقدر اعيش من غير عنوان
وطريق اخره اوهام

انا اللي خسران يا قلبي لما هسيبك
عارف يا قلبي انك هتموت لما ابعدك عن حبيبك
قدر ومكتوب
اني اعيش معذبة قلوب
حتي قلبي بعذبه
ومن حبي الوحيد بحرمه
مجروح انا لما سبتك
مظلوم من حب قلبك

يا اقرب الناس ليا
هسيبك بس والله علي عنيا